有种全部叫一塌刮子，

有种佩服叫一帖药，

有种over叫一脚去，

有种难寻叫幺二角落，

有种不堪叫烂污三鲜；

有种委屈叫三夹板，

有种穿帮叫刮三，

有种整齐叫的角四方，

有种肥胖叫五顑六肿，

有种乱讲叫七支八搭；

有种遥远叫老里八早，

有种繁忙叫七荤八素，有

种搓人的礼貌叫“谢谢侬一家门！”。

情绪篇

有种心碎叫懊闷痛，

有种中刀叫吃老酸，

有种快意叫现开销，

有种幽默叫嘲讥讥，

有种开心叫笑嘻嘻，

有种郁闷叫碰着赤佬；

有种反弹叫翻毛腔，

有种态度叫横竖横，

有种到位叫至真，

有种过分叫胡天野地，

有种发春叫吃煞侬 爱煞侬，

有种诘问叫“朋友，侬哪回事体啊朋友？！”

颜色篇

有种面色夹髎势白，

有种颜色黑铁墨托；

有种角落黑孛隆冬，

有种光线暗孛留秋；

有种尴尬白板对煞，

有种萝莉雪白粉嫩；

有种草地碧绿生青，

有种内幕乌漆墨黑；

油墩子黄哈哈，

萤火虫绿莹莹；

夜到关灯墨黜黑，

饭米糁迹足白塔塔；

写字勿好墨团团，

蚊子拍死血血红；

彩色翎子接接牢，

果皮纸屑莫乱抛。

人物篇

在上海，

有种男人叫模子；

有种女人叫十三点；

有种小孩叫小赤佬；

有种主妇叫马大嫂；

有种专家叫老法师；

有种和事佬叫老娘舅；

有种平民叫拉吊环个；

有种警察叫黑猫警长；

有种合伙人叫连裆码子；

有种傻瓜叫寿头；

有种乡下人叫十六铺上来个；

有种圆滑叫浆糊桶；

有种嘴馋叫馋痨坯；

有种软弱叫软脚蟹；

有种资历浅叫嫩头；

还有一种把钱花光用光的人叫脱底棺材。 

ABB篇

心里发毛吓丝丝，

为人练戆寿噱噱，

一慢二看笃悠悠，

办事离谱王伯伯，

动作拖拉木太太，

天热捉只叫哥哥；

得意忘形神兜兜，

跳只舞蹈蓬拆拆，

黯然销魂惨兮兮，

难以收做糊哒哒，

有种价钿辣豁豁，

钞票勿缺摸老老，

囊中羞涩结绷绷，

老吃老做疲沓沓，

朋友要轧嗲妹妹，

老公勿寻花拆拆。

AAB篇

铜铫烧水踏踏滚，

出炉山芋呼呼烫，

大雨淋身淌淌渧，

心情舒畅适适意，

传人八卦迓迓叫，

心中呒底得得动，

上海产品乓乓响，

生意勿好关关脱；

有种事体墨墨黑，

有种小囡雪雪白，

外滩灯光敞敞亮，

脱底棺材精精光，

一顿生活辣辣叫，

大兴手表野野乌，

毛脚上门别别跳，

面试勿过刮刮抖。

ABAB篇

胖子走路妈发妈发，

厂里劳动吭哧吭哧，

劳模奖状麦克麦克，

效益勿好氽发氽发，

终于下岗晃几晃几，

晃到宜家兜发兜发，

碰着熟人躽发躽发，

六尺面床睏发睏发，

免费咖啡嘬发嘬发，

眼乌子骨碌瞄发瞄发，

看见阿姨花发花发，

碰到坑子阿潽阿潽，

眼睛一翻巴瞪巴瞪，

脚爪胸口捋发捋发。

头字篇

戆头戆脑小鬼头，

手里拿只勃落头，

肉里挑刺捉扳头，

热天生只热疖头，

斩来斩去是冲头，

挺斩勿走是寿头；

最噱头，

野人头，

骗脱一刀老人头，

留下来，

侪癞头，

奶末头，

有花头，

油条只吃滴滴头，

作事体，

勿要投，

当心敲着骷浪头，

最吃亏，

老实头，

人人当伊洋葱头。

老字篇

有种高调老三老四，

有种圆熟老吃老做，

有种意外老鬼失撇，

城府森森老甲鱼，

不可言说老鬼三，

家事裁判老娘舅，

资深宅女老姑娘，

半昵半嗔老棺材，

有种不怯叫老茄，

有种花牌叫老K，

有种瘾君子叫老枪，

有种小而弥坚叫老结，

有种失落的记忆叫老城厢。

长句篇

有种愤怒叫“要么我辣一记”

有种揶揄叫“吃个洋籼米发个糯米嗲”

有种抗议叫“朋友，侬帮帮忙好伐”

有种感慨叫“今朝算我碰着赤佬了”

有种幻灭叫“黄浦江又呒盖头侬去跳好了”

有种教育金句叫“伊叫侬做侬就做啊，搿末伊叫侬吃污侬吃伐？”

有种不屑叫“哦哟，我吓煞特了！侬来呀，侬勿来侬是我养个！”

<内容来自网友费里尼>